Insektenfresser

Insektefrässer
Europäisch Muulwurf (Talpa europaea)
Systematik
Überklass: Chiifermüüler (Gnathostomata) Reije: Landwirbeldier (Tetrapoda) Chlass: Säuger (Mammalia) Underchlass: Höcheri Säuger (Eutheria) Überordnig: Laurasiatheria Ordnig: Insektefrässer
Wüsseschaftlige Name
Eulipotyphla
Waddell, Okada, Hasegawa, 1999
Familie
Igel (Erinaceidae) Muulwürf (Talpidae) Spitzmüüs (Soricidae) Schlitzrüssler (Solenodontidae) Karibischi Spitzmüüs (Nesophontidae) †

D Insektefrässer (Eulipotyphla, frühner Lipotyphla oder Insectivora) si en Ornig vo de Säuger. Es handlet sich um en arteriichi Gruppe vo relativ chliine Dier, wo mit ihrem Gebiss an e räuberischi Läbenswiis aabasst si. Systematisch zele si zu de umstrittenste Säugergruppe. In dr Systematik, wo do brucht wird, wärde fümf Familie, d Igel (Erinaceidae), d Spitzmüüs (Soricidae), d Muulwürf (Talpidae), d Schlitzrüssler (Solenodontidae) und die usgstorbene Karibische Spitzmüüs (Nesophontidae) drzuegrächnet, wobii s umstritten isch, öb d Igel zu dere Gruppe ghöre. Anderi Familie wie d Tenreks und d Goldmuulwürf, won ene im Körperbau öhnlig si, si früehner au as Deil vo dere Gruppe aagluegt worden. Hüte zelt mä sä us molekulargenetische Gründ nüme drzue.